കുഞ്ഞാലിക്കുട്ടിക്കെതിരെ വനിതാ സംഘടനകള്‍

Published on Fri, 05/20/2011 - 07:32 ( 1 hour 6 min ago)

(+)(-) Font Size

   ShareThis

കോഴിക്കോട്: ഐസ്‌ക്രീം പെണ്‍വാണിഭക്കേസില്‍ ആരോപണവിധേയനായ കുഞ്ഞാലിക്കുട്ടിക്ക് വനിതാ വികസന വകുപ്പിന്റെ ചുമതല നല്‍കി മന്ത്രിയാക്കിയതിനെതിരെ വനിതാ വിമോചന സാംസ്‌കാരിക പ്രവര്‍ത്തകര്‍ രംഗത്ത്. ഇതുസംബന്ധിച്ച് തങ്ങളുടെ പ്രതിഷേധമറിയിച്ചും നടപടി ആവശ്യപ്പെട്ടും എഴുത്തുകാരി സാറാ ജോസഫിന്റെ നേതൃത്വത്തില്‍ 30 വനിത സാമൂഹികപ്രവര്‍ത്തകര്‍ കോണ്‍ഗ്രസ് അധ്യക്ഷ സോണിയഗാന്ധിക്ക് അടിയന്തര സന്ദേശമയച്ചു. ആരോപണ വിധേയനായ ആള്‍ക്ക് സാമൂഹികക്ഷേമ വകുപ്പും വനിതാ ക്ഷേമ വകുപ്പും നല്‍കിയത് കേരളത്തിലെ സ്ത്രീസമൂഹത്തെ ഞെട്ടിച്ചിരിക്കുകയാണെന്ന് കത്തില്‍ ചൂണ്ടിക്കാട്ടി. യു.ഡി.എഫിലെ ഏക വനിതാ അംഗം ജയലക്ഷ്മിയെ മന്ത്രിയാക്കി വനിതാ സാമൂഹിക ക്ഷേമ വകുപ്പ് ഇവര്‍ക്ക് നല്‍കണമെന്നും കത്തില്‍ ആവശ്യപ്പെട്ടു.
സാറാജോസഫിനെ കൂടാതെ കെ. അജിത, മേഴ്‌സി അലക്‌സാണ്ടര്‍, പാര്‍വതി ദേവി, ജ്യോതി നാരായണന്‍, അഡ്വ. ജെ. സന്ധ്യ, രാധാമണി, ഏല്യാമ്മ വിജയന്‍, പി. അംബിക, മിനി സുകുമാര്‍, ഡോ. പി. ഗീത, ശ്വേതാദാസ്, ടി.എസ്. ആശാദേവി, ലീലാമേനോന്‍, കുസുമം ജോസഫ്, വി.എം. ഗിരിജ, ബദ്രകുമാരി, കെ.ആര്‍. മീര, ഗിരിജാ പതീക്കര, ഡോ. ശാരദാമണി, നളി നായിക്, ദീദി ദാമോദരന്‍, സി.എസ്. മീനാക്ഷി, ഇന്ദിര, ശോഭന കാസര്‍കോട്, എസ്. ശ്രീകല, ടെന്‍സി ബാനു,  ഡോ. ജാന്‍സി ജോസ്, എസ്. കവിത എന്നിവരും സന്ദേശത്തില്‍ ഒപ്പുവെച്ചു.  മുഖ്യമന്ത്രി ഉമ്മന്‍ചാണ്ടി, കെ.പി.സി.സി പ്രസിഡന്റ് രമേശ് ചെന്നിത്തല എന്നിവര്‍ക്കും സന്ദേശമയച്ചിട്ടുണ്ട്.

മന്ത്രിയായതിന് ശേഷം ആദ്യമായി വേങ്ങര മണ്ഡലത്തിലെത്തിയ മുസ്ലിം ലീഗ് ജനറല്‍ സെക്രട്ടറി പി.കെ കുഞ്ഞാലിക്കുട്ടി ജനക്കൂട്ടത്തിനിടയില്‍

ടി.കെ ഹംസയും A വിജയരാഘവനും മറുപടി പറയേണ്ടി വരും ഏറനാട് വോട്ട് മറിച്ച സംഭവം സി.പി.എമ്മിലും പുകയുന്നു

Published on Thu, 05/19/2011 - 07:20 ( 34 min 8 sec ago)

(+)(-) Font Size

ShareThis

മലപ്പുറം: ഏറനാട് പ്രശ്‌നത്തിന് ഉത്തരവാദികളായ പാര്‍ട്ടി നേതാക്കള്‍ക്കെതിരെ സി.പി.ഐ നടപടി തുടങ്ങിയതോടെ, മണ്ഡലത്തില്‍ സ്വതന്ത്രന് പാര്‍ട്ടി വോട്ട് മറിച്ച സംഭവം സി.പി.എമ്മിലും പുകയുന്നു.
എല്‍.ഡി.എഫിന്റെ ഔദ്യോഗിക സ്ഥാനാര്‍ഥി ഏറനാട്ടില്‍ ബി.ജെ.പിക്ക് പിറകില്‍ നാലാം സ്ഥാനത്തേക്ക് തള്ളപ്പെട്ടതിന് സി.പി.എം ജില്ലാ നേതൃത്വവും തെരഞ്ഞെടുപ്പ് ചുമതല ഉണ്ടായിരുന്ന മുതിര്‍ന്ന നേതാക്കളും മറുപടി പറയേണ്ടിവരും.
മുന്നണിയുടെ കെട്ടുറപ്പിനെ ബാധിക്കുന്നവിധത്തില്‍ ഏറനാട്ട് അരങ്ങേറിയ സംഭവം സി.പി.എമ്മിനെതിരെ എല്‍.ഡി.എഫില്‍ ആയുധമാക്കാനാണ് സി.പി.ഐ നീക്കം. ഇതിന് മുന്നോടിയായാണ് സ്ഥാനാര്‍ഥി നിര്‍ണയത്തില്‍ ഒത്തുകളിച്ച സ്വന്തം നേതാക്കള്‍ക്കെതിരെ സി.പി.ഐ നടപടി തുടങ്ങിയത്.
ഇതോടെ സംഭവത്തില്‍ വീഴ്ച വരുത്തിയവര്‍ക്കെതിരെ പാര്‍ട്ടിക്കാര്‍ക്കെതിരെ നടപടി എടുക്കാന്‍ സി.പി.എം സംസ്ഥാന ഘടകം നിര്‍ബന്ധിതരായിട്ടുണ്ട്്. ഏറനാട്ടില്‍ സ്വതന്ത്രനെ പിന്തുണച്ചത് ഉയര്‍ന്ന പാര്‍ട്ടി നേതാക്കളുടെ നിര്‍ദേശപ്രകാരമാണെന്നാണ്് സി.പി.എം ലോക്കല്‍ ഭാരവാഹികള്‍ പറയുന്നത്്. ജില്ലക്കാരനായ പാര്‍ട്ടി സംസ്ഥാന കമ്മിറ്റി അംഗവും ജില്ലയുടെ തെരഞ്ഞെടുപ്പ് ചുമതല ഉണ്ടായിരുന്ന നേതാവും അന്‍വറിനെ പിന്തുണക്കാന്‍ നിര്‍ദേശം നല്‍കിയതായി മണ്ഡലത്തിലെ ലോക്കല്‍ സെക്രട്ടറിമാര്‍ പറയുന്നു. ജില്ലാ സെക്രട്ടറി ഇതിന് അനുകൂലമായിരുന്നുവത്രെ. ഏറനാടിനെ ചില സി.പി.എം നേതാക്കള്‍ 'പേയ്‌മെന്റ് സീറ്റാ'ക്കിയെന്ന ഗുരുതരമായ ആരോപണം സി.പി.ഐ, എല്‍.ഡി.എഫില്‍ ഉന്നയിക്കുമെന്നാണ് സൂചന. അങ്ങനെ വന്നാല്‍ ജില്ലയിലെ ഉയര്‍ന്ന നേതാക്കള്‍ ഇതിന് വിശദീകരണം നല്‍കേണ്ടിവരും.
എല്‍.ഡി.എഫ് സ്ഥാനാര്‍ഥി അഷ്‌റഫലി കാളിയത്തിന് ലഭിച്ചത് 2700 വോട്ടാണ്.
അതേസമയം,സി.പി.എം രഹസ്യമായി പിന്തുണച്ചുവെന്ന് ആരോപിക്കപ്പെടുന്ന സ്വതന്ത്ര സ്ഥാനാര്‍ഥി പി.വി. അന്‍വര്‍ 47,452 വോട്ട് നേടി രണ്ടാം സ്ഥാനത്തുവന്നു. പുതുതായി വന്ന മണ്ഡലം മുന്നണിധാരണ പ്രകാരമാണ് സി.പി.ഐക്ക് നല്‍കിയത്. മുന്‍ യൂത്ത് കോണ്‍ഗ്രസ് നേതാവായ പി.വി. അന്‍വറിനെയാണ് തുടക്കത്തില്‍ ഇടതു സ്വതന്ത്രനായി സി.പി.ഐ പരിഗണിച്ചിരുന്നത്. പിന്നീട് അന്‍വറിനെതിരായ വാദങ്ങള്‍ പരിഗണിച്ച് അദ്ദേഹത്തെ സ്ഥാനാര്‍ഥിയാക്കേണ്ടെന്നും പകരം പാര്‍ട്ടി സ്ഥാനാര്‍ഥിയെ നിശ്ചയിക്കാനും സംസ്ഥാന സെക്രട്ടേറിയറ്റ് തീരുമാനിച്ചു.
ഇങ്ങനെയാണ് എ.ഐ.വൈ.എഫ് ജില്ലാ നേതാവ് അഷ്‌റഫലി കാളിയത്ത് സ്ഥാനാര്‍ഥിയായത്.
എന്നാല്‍ സി.പി.എം പി.വി. അന്‍വറിന് വേണ്ടി രംഗത്തിറങ്ങി. സി.പി.എം പ്രാദേശിക ഘടകങ്ങള്‍ വിട്ടുനിന്നതിനാല്‍ അഷ്‌റഫലി കാളിയത്തിന്റെ പ്രചാരണം മണ്ഡലത്തില്‍ ഏശിയില്ല. മറുവശത്ത് സി.പി.എം ബ്രാഞ്ചുകളുടെ തണലിലായിരുന്നു അന്‍വറിന്റെ ബൂത്തുതല പ്രവര്‍ത്തനം.
പ്രചാരണത്തിന്റെ അന്ത്യത്തില്‍ എല്‍.ഡി.എഫിന്റെ ഔദ്യോഗിക സ്ഥാനാര്‍ഥി ചിത്രത്തില്‍ ഇല്ലാതായി.

കേസ് അട്ടിമറിച്ചതിന് പിന്നില്‍ യു.ഡി.എഫ് നേതാവുമെന്ന് മൊഴി

ഒളികാമറ രേഖകള്‍ അന്വേഷണ സംഘത്തിന് കൈമാറി

മലപ്പുറം: കോതമംഗലം പെണ്‍വാണിഭ കേസ് ഒതുക്കിയതിന് പിന്നില്‍ പ്രവര്‍ത്തിച്ചത് ഒരു പ്രമുഖ യു.ഡി.എഫ് നേതാവാണെന്ന ഒളികാമറ വെളിപ്പെടുത്തലുകളടങ്ങുന്ന ഇന്ത്യാ വിഷന്‍ രേഖകള്‍, പ്രത്യേക അന്വേഷണ സംഘം തലവന്‍ എ.ഡി.ജി.പി വിന്‍സന്റ് എം. പോളിനും അഭ്യന്തര മന്ത്രി കോടിയേരി ബാലകൃഷ്ണനും കൈമാറി. ഫെബ്രുവരി നഅാലിന് ഈ രേഖകള്‍ മുഖ്യമന്ത്രി വി.എസ് അച്യുതാനന്ദന് ഇന്ത്യവിഷന്‍ എഡിറ്റര്‍ ഇന്‍ ചാര്‍ജ് എം.പി ബഷീര്‍, ന്യൂസ് എഡിറ്റര്‍ ആര്‍. ശ്രീജിത് എന്നിവര്‍ കൈമാറിയിരുന്നു. ഈ രേഖകളുടെ കോപ്പികള്‍ ഐസ്ക്രീം കേസ് അന്വേഷിക്കുന്ന പ്രത്യേക അന്വേഷണ സംഘത്തിനും അഭ്യന്തര മന്ത്രി ക്കും കഴിഞ്ഞ ദിവസമാണ് മുഖ്യമന്ത്രി കൈമാറിയത്.

ഇന്ത്യവിഷന്‍ നേരത്തെ സംപ്രേഷണം ചെയ്ത കെ.സി പീറ്ററുടെ വെളിപ്പെടുത്തലുകളടക്കം മൊത്തം 12 പേരുടെ മൊഴികളുടെ വീഡിയോ ദൃശ്യങ്ങളടങ്ങുന്ന മൂന്ന് സീഡികളാണ് മുഖ്യമന്ത്രിക്ക് കൈമാറിയത്. ഇരകളായ പെണ്‍കുട്ടികളുടെ മൊഴിമാറ്റിയതെങ്ങിനെയെന്നും, ജഡ്ജിമാര്‍ക്ക് പണം കൈമാറിയതെങ്ങിനെ എന്നും വെളിപ്പെടുത്തുന്ന വീഡിയോ ക്ലിപ്പിങ്ങുകളും ഇതിലുണ്ട്. കേസൊതുക്കുവാന്‍ ചിലര്‍ ഒരുപെണ്‍കുട്ടിയെ മതംമാറ്റിയതും ഗള്‍ഫിലേക്കയച്ചതുമായി ബന്ധപ്പെട്ട വെളിപ്പെടുത്തലുകള്‍, എം.കെ ബീരാന്റെ സംഭാഷണത്തിന്റെ ഓഡിയോ ക്ലിപ്പിംഗ്, അഡ്വ.ജനറലായിരുന്ന എം.കെ ദാമോദരനെ കുറിച്ച്ലുള്ള പരാമര്‍ശങ്ങളടങ്ങിയ വീഡിയൊ, തുടങ്ങിയവയും ഈ രേഖകളിലുണ്ട്. കോതമംഗലം പെണ്‍വാണിഭ കേസില്‍ പെട്ട ഒരു പെണ്‍കുട്ടിയുടെ മൊഴിമാറ്റാന്‍ എല്ലാവിധ സഹായവും ചെയ്ത മറ്റൊരു യു.ഡി.എഫ് നേതാവിനെ കുറിച്ചുള്ള പരാമര്‍ശങ്ങളടങ്ങുന്ന ഏറെ വിവാദമാകാനിടയിുള്ള ഒളികാമറ റിപ്പോര്‍ട്ടുകളും ഇതിലുണ്ട്. മുസ്ലിം ലീഗ് നേതാവ് പുരോഹിതന്റെ മുമ്പില്‍ ബൈബിള്‍ തൊട്ട് സത്യം ചെയ്തതായ വെളിപ്പെടുത്തലും ഇതില്‍പെടും. കേസുമായി ബന്ധപ്പെട്ട നാല് വിധികള്‍ കൊച്ചിയിലെ ഒരു പ്രമുഖ ലോഡ്ജില്‍ വെച്ചാണ് തയാറാക്കിയതെന്ന വെളിപ്പെടുത്തലുകളും ഇതിലുണ്ട്.

ഈ തെളിവുകളുടെ അടിസ്ഥാനത്തില്‍ പ്രത്യേക സംഘം അന്വേഷണം ആരംഭിച്ചതായാണ് വിവരം.

മുസ്‌ലിംലീഗ് നേതൃയോഗം ഇന്ന്; തെളിവുകള്‍ അവതരിപ്പിക്കും

Saturday, February 5,

• മലപ്പുറം: ഞായറാഴ്ച നടക്കുന്ന മുസ്‌ലിംലീഗ് നേതൃയോഗത്തില്‍ ഗൂഢാലോചന സംബന്ധിച്ച് താന്‍ ശേഖരിച്ച തെളിവുകള്‍ ജനറല്‍ സെക്രട്ടറി പി.കെ. കുഞ്ഞാലിക്കുട്ടി അവതരിപ്പിച്ചേക്കും. ശനിയാഴ്ച അഖിലേന്ത്യാ അധ്യക്ഷന്‍ ഇ. അഹമ്മദിന്റെ അസാന്നിധ്യത്തില്‍ പാണക്കാട് നടന്ന നേതൃയോഗത്തില്‍ സെക്രട്ടറി ഡോ. എം.കെ. മുനീര്‍ തന്നെ ഈ ആവശ്യമുന്നയിച്ചതായാണ് സൂചന. കൊച്ചിയും മുഖ്യമന്ത്രിയുടെ ഓഫിസും കേന്ദ്രീകരിച്ച് പി.കെ. കുഞ്ഞാലിക്കുട്ടിക്കും മുസ്‌ലിംലീഗിനും യു.ഡിഎഫിനുമെതിരെ ഗൂഢാലോചനനടന്നു എന്നാണ് ശനിയാഴ്ച ലീഗ് നേതാക്കള്‍ വ്യക്തമാക്കിയത്. ഇക്കാര്യം പാര്‍ട്ടി നേതൃത്വവുമായി ചര്‍ച്ചചെയ്ത് ഞായറാഴ്ച ഔദ്യോഗിക വിശദീകരണമുണ്ടാകുമെന്നും നേതാക്കള്‍ അറിയിച്ചിട്ടുണ്ട്. കൈയിലുള്ള രേഖകള്‍ അവതരിപ്പിക്കാനായില്ലെങ്കില്‍ അതുസംബന്ധിച്ച് ലഭ്യമായ വിശദാംശങ്ങളെങ്കിലും ഞായറാഴ്ച യോഗത്തില്‍ കുഞ്ഞാലിക്കുട്ടി അവതരിപ്പിക്കേണ്ടിവരും.

വിവാദ കേന്ദ്രമായ ഇന്ത്യാവിഷന്‍ ചാനലിന്റെ ചെയര്‍മാനായ മുനീര്‍ പാര്‍ട്ടി അച്ചടക്കത്തിന്റെ പേരില്‍ കുഞ്ഞാലിക്കുട്ടിയുടെ വെളിപ്പെടുത്തലുകളോട് ശനിയാഴ്ചയും പ്രതികരിച്ചിട്ടില്ല. ഞായറാഴ്ച ചേരുന്ന നേതൃയോഗത്തിനുശേഷം പാര്‍ട്ടി പറയുമെന്നാണ് അദ്ദേഹം പറഞ്ഞത്.
ഇന്ത്യാവിഷന്റെ വെളിപ്പെടുത്തലുകളെക്കുറിച്ച് എം.കെ. മുനീറിന് അറിവുണ്ടായിരുന്നുവെന്നും ഹൈദരലി ശിഹാബ് തങ്ങളും അഖിലേന്ത്യാ പ്രസിഡന്റ് ഇ. അഹമ്മദും, പരിപാടി കൊടുക്കുന്നത് തടയണമെന്ന് ആവശ്യപ്പെട്ടിട്ടും മുനീര്‍ തടഞ്ഞില്ലെന്നും കുഞ്ഞാലിക്കുട്ടി ഒരു സ്വകാര്യ ചാനലില്‍ കഴിഞ്ഞ ദിവസം വെളിപ്പെടുത്തിയിരുന്നു.
ശനിയാഴ്ച പാണക്കാട്ടെ നേതൃയോഗത്തിനുശേഷവും സെക്രട്ടറി ഇ.ടി. മുഹമ്മദ് ബഷീര്‍ കുഞ്ഞാലിക്കുട്ടിയുടെ വാക്കുകള്‍ക്ക് വിരുദ്ധമായാണ് സംസാരിച്ചത്. ഇന്ത്യാവിഷന്‍ വെളിപ്പെടുത്തലില്‍ മുനീറിന് പങ്കില്ലെന്നാണ് വിശ്വാസമെന്ന നേരത്തെയുള്ള നിലപാട് ബഷീര്‍ ആവര്‍ത്തിക്കുകയായിരുന്നു. എന്നാല്‍, ഇതിനുശേഷം ചേളാരിയില്‍ നടന്ന കേരള മോചനയാത്രയുടെ സ്വീകരണ യോഗത്തില്‍ കുഞ്ഞാലിക്കുട്ടി സ്വകാര്യ ചാനലില്‍ പറഞ്ഞനിലപാട് ആവര്‍ത്തിച്ചു. എങ്കിലും മുനീറിന്റെ പേര് ഒഴിവാക്കി.
മുനീറിനെയും ഇന്ത്യാവിഷനെയും ഒറ്റപ്പെടുത്തുക എന്ന കുഞ്ഞാലിക്കുട്ടിയുടെ മുന്‍ നിലപാടുകള്‍ മുഖ്യമന്ത്രിയിലേക്ക് മാറിയതുതന്നെ മുസ്‌ലിംലീഗിനെ പരിക്കേല്‍ക്കാതെ രക്ഷപ്പെടുത്താനുള്ള തീരുമാനത്തിന്റെ ഭാഗമായാണ് കരുതേണ്ടത്. പാര്‍ട്ടി മുനീറിനെ തള്ളിപ്പറയുകയോ മുനീര്‍ ചാനല്‍ ചെയര്‍മാന്‍ സ്ഥാനം രാജിവെക്കുകയോ ചെയ്യുമെന്ന പ്രതീക്ഷ നടന്നില്ല. പകരം മുനീര്‍ പാര്‍ട്ടി സെക്രട്ടറി സ്ഥാനം രാജിവെക്കാനുള്ള സന്നദ്ധത അറിയിക്കുകയായിരുന്നു.
ഇത് തടയാന്‍ പാണക്കാട്ടേക്കുള്ള മുനീറിന്റെ യാത്രക്കിടയില്‍തന്നെ നേതൃത്വം ഇടപെട്ടിരുന്നു. എങ്കിലും, മുനീര്‍ തന്റെ രാജിക്കത്ത് ഹൈദരലി ശിഹാബ് തങ്ങള്‍ക്ക് കൈമാറി. എന്നാല്‍, മുനീര്‍ രാജിക്കത്ത് നല്‍കിയെന്ന വാര്‍ത്ത ഇ.ടി. മുഹമ്മദ് ബഷീര്‍ നിഷേധിക്കുകയായിരുന്നു.
മുനീര്‍ രാജിക്കത്തില്‍ ചൂണ്ടിക്കാട്ടിയ നിലപാടുകള്‍ മുസ്‌ലിം ലീഗിലെയും സമസ്തയിലെയും ഒരുവിഭാഗം അംഗീകരിക്കുന്നുണ്ട്. ഇവര്‍ പരസ്യമായി രംഗത്തുവന്നിട്ടില്ലെങ്കിലും ഇക്കാര്യം ലീഗ് നേതൃത്വത്തിനും അറിയാം.
മുനീറിന്റെ രാജി ഈ വിഭാഗത്തെ പിണക്കുമെന്ന ഭയമുള്ളതിനാല്‍ ഇക്കാര്യം പാര്‍ട്ടി നേതൃത്വം അംഗീകരിക്കാനിടയില്ലെന്നാണയറിയുന്നത്. ഇതറിഞ്ഞുതന്നെയാണ് സമസ്ത നേതൃത്വവും മതനേതൃത്വവും ഈ പ്രശ്‌നത്തില്‍ നിലപാട് വ്യക്തമാക്കണമെന്ന് സി.പി.എം സംസ്ഥാന സെക്രട്ടറി പിണറായി വിജയന്‍ ശനിയാഴ്ച ആവശ്യപ്പെട്ടത്. ഇന്നല്ലെങ്കില്‍ നാളെ അവര്‍ക്ക് സ്വന്തം നിലപാട് വ്യക്തമാക്കേണ്ടിയും വരും.
ഇലക്കും മുള്ളിനും കേടില്ലാതെ ഒരു പ്രശ്‌നപരിഹാരമാണ് ലീഗ് നേതൃത്വം ആലോചിക്കുന്നത്. ഞായറാഴ്ച നടക്കുന്ന നേതൃയോഗത്തില്‍ ഈ പരിഹാരം രൂപപ്പെട്ടില്ലെങ്കിലും പാര്‍ട്ടി ഒരു നിലപാട് പറയേണ്ടിവരും.

കുഞ്ഞാലിക്കുട്ടി ഒരു വ്യക്തിയല്ല. പ്രസ്ഥാനമാണ്

പി.കെ കുഞ്ഞാലിക്കുട്ടി സ്വന്തം ബ്ളോഗായ നിലപാട്.കോമില്‍ എഴുതിയ ' ഇതെന്റെ ചോരക്കു വേണ്ടിയുള്ള ദാഹം' എന്നകുറിപ്പിലെ ചില നിലപാടുകളോട് വിയോജിക്കാതിരിക്കാന്‍ കഴിയില്ല.

'ഞാനുമൊരു മനുഷ്യനാണ്. എനിക്ക് ഭാര്യയുണ്ട്. കുട്ടികളുണ്ട്.

എല്ലാവരെയുംപോലെ ഒരു മനുഷ്യനാണ് ഞാന്‍'

ഈ പരാമര്‍ശങ്ങള്‍ അംഗീകരിക്കന്‍ പ്രയാസമുണ്ട്. കാരണം, പാണക്കാട് മുഹമ്മദലി ശിഹാബ് തങ്ങളും ഇപ്പോള്‍ ഹൈദരലി ശിഹാബ് തങ്ങളും അധ്യക്ഷരായ ഒരു രാഷ്ട്രീയ പാര്‍ട്ടിയുടെ രണ്ടാമത്തെ നേതാവാണ് താങ്കള്‍. ഒരുമതസംഘടനയുടെ തലപ്പത്തിരിക്കുന്നവര്‍ കൂടിയാണ് പാണക്കാട് തങ്ങള്‍മാര്‍. ആ പാര്‍ട്ടിയുടെ നേതാവിനെ കുറിച്ച് ഒരിക്കലും കേള്‍ക്കന്‍ പാടില്ലാത്ത ആരോപണങ്ങളാണ് താങ്കളെ കുറിച്ച് ഉയര്‍ന്നത്. ഈ ആരോപണങ്ങള്‍ പൂര്‍ണമായും തെറ്റാണെന്ന് തെളിയിക്കാന്‍ താങ്കള്‍ക്ക് കഴിഞ്ഞിട്ടില്ല. കോടതി എങ്ങിനെ കേസ് കൈകാര്യം ചെയ്താലും മലയാളികള്‍ താങ്കളെ നിരപരാധിയാണെന്ന് അംഗീകരിച്ചിട്ടില്ല. കുറ്റിപ്പുറത്തെ പരാജയം അതിന് തെളിവാണ്. അത് താങ്കളും അംഗീകരിക്കേണ്ടതുണ്ട്.

ഒരു മുസ്ലിംലീഗ് പ്രവര്‍ത്തകന്‍ കുറ്റം ചെയ്താല്‍ അതൊരിക്കലും മുസ്ലിം ലീഗിന്റെ കുറ്റമാണെന്ന് ആരും പറയില്ല. എന്നാല്‍ താങ്കളെ പോലെ മുസലിംലീഗിന്റെ ഏറ്റവും ഉയര്‍ന്ന നേതാവിനെ കുറിച്ചാകുമ്പോള്‍ അത് മുസ്ലിം ലീഗിനെതിരെ തന്നെയാകും വ്യവഹരിക്കപ്പെടുക. ലീഗിന്റെ ഒരു സാദാ പ്രവര്‍ത്തകന്‍ മദ്യപാനിയെങ്കില്‍ അതാരും മുസ്ലിംലീഗിന്റെ തലയില്‍ കെട്ടിവെക്കാറില്ല. ഒരു നേതാവാകുമ്പോള്‍ അതിന് മുസ്ലിംലീഗും ഉത്തരം പറയേണ്ടിവരും.

താങ്കളുടെ പത്രസമ്മേളനവും വധഭീഷണി ആരോപണവും ലോകം വിശ്വസിച്ചു എന്ന് കരുതരുത്. മുസ്ലിം ലീഗ് പ്രവര്‍ത്തകരും നേതാക്കളും താങ്കള്‍ക്ക് പിന്തുണ പ്രഖ്യാപിച്ചു എന്നത് താങ്കള്‍ പറഞ്ഞതെല്ലാം വിശ്വസിച്ചത് കൊണ്ടാണെന്നും കരുതരുത്. മുസ്ലിം ലീഗ് എന്നത് അവരുടെ വികാരമാണ്. ഇതെഴുതിയതിന്റെ പേരില്‍ വേണമെങ്കില്‍ എന്നെ തല്ലിക്കൊല്ലാന്‍ വരെ അവര്‍ തയാറായേക്കും. പഷെ അതവരുടെ വൈകാരികമായ ഒരു പ്രതികരണം മാത്രമാണ്.

റഊഫ് ബ്ളാക്ക്മെയില്‍ ചെയ്യുന്നു, രേഖകളെല്ലാം അയാളുണ്ടാക്കിയതാണ് തുടങ്ങിയ ന്യായീകരണങ്ങള്‍ അവസാനം ചെന്നെത്തുന്നത് താങ്കളിലേക്ക് തന്നെയാണ്. താങ്കള്‍ നിരപരാധിയായിരുന്നെങ്കില്‍ എന്തിന് ഈ രേഖകള്‍ സൃഷ്ടിച്ചു. താങ്കളറിയാതെയാണ് അവ സൃഷ്ടിച്ചതെങ്കില്‍ അത് നേരത്തെ പറയേണ്ടതായിരുന്നില്ലേ? ഒന്നരക്കൊല്ലമായി റഊഫുമായി തെറ്റിയെന്ന് പറയുന്ന താങ്കള്‍ എന്ത് കൊണ്ടാണ് ഇത് വരെ അക്കാര്യം മറച്ചുവെച്ചത്? താങ്കള്‍ നിരപരാധിയെങ്കില്‍ അത് ലോകത്തിനു മുമ്പില്‍ തെളിയിക്കേണ്ട ഉത്തരവാദിത്തം ഇനി താങ്കള്‍ക്ക് തന്നെയാണ്.

കുഞ്ഞാലിക്കുട്ടിയെ മാറ്റിനിര്‍ത്തി തെരഞ്ഞെടുപ്പിനെ നേരിടാന്‍ സാധ്യത

Wednesday, February 2, 2011

പി.കെ കുഞ്ഞാലിക്കുട്ടിയെ മാറ്റി നിര്‍ത്തി തെരഞ്ഞെടുപ്പിനെ നേരിടാന്‍ യു.ഡി.എഫില്‍ സമ്മര്‍ദം. മുസ്ലിംലീഗില്‍ ചിലനതോക്കള്‍ ഇതിന് അനുകൂലമാണ്. കഴിഞ്ഞ ലീഗ് സെക്രട്ടറിയേറ്റ് യോഗത്തില്‍ മാറി നില്‍ക്കാന്‍ തയാറാണെന്ന് കുഞ്ഞാലിക്കുട്ടി തന്നെ അറിയിച്ചിരുന്നു. സെക്രട്ടറിയേറ്റ് ഇത് അംഗീകരിച്ചില്ല. എന്നാല്‍ തെരഞ്ഞെടുപ്പ് ആസന്നമാകുന്നതോടെ യു.ഡി.എഫ് പ്രചരണനേതൃത്വത്തില്‍ നിന്ന് കുഞ്ഞാലിക്കുട്ടി മാറി നില്‍ക്കാനാണ് സാധ്യത. അസംബ്ലിതെരഞ്ഞെടുപ്പില്‍ വിജയം ഉറപ്പിച്ച യു.ഡി.എഫിന് ഓര്‍ക്കാപുറത്ത് കിട്ടിയ ആഘാതമാണ് പുതിയ വിവാദങ്ങള്‍. കുഞ്ഞാലിക്കുട്ടിയെ നേതൃത്വത്തില്‍ നിര്‍ത്തികൊണ്ട് തെരഞ്ഞെടുപ്പിനെ നേരിട്ടാല്‍ ഇടത്മുന്നണി പ്രചരണം ഈ വിഷയത്തില്‍ കേന്ദ്രീകരിക്കും. കഴിഞ്ഞ അസംബ്ളി തെരഞ്ഞെടുപ്പിലുണ്ടായ കനത്ത പരാജയം പ്രതീക്ഷിക്കുന്നില്ലെങ്കിലും പ്രചാരണത്തിന്റെ കേന്ദ്രവിഷയം മാറുമെന്നാണ് യു.ഡി.എഫ് നേതാക്കള്‍ ഭയക്കുന്നത്. കെ.പി.സി.സി ഇതുസംബന്ധിച്ച് തീരുമാനമൊന്നുമെടുത്തിട്ടില്ലെങ്കിലും താമസിയാതെ ഇക്കാര്യം ലീഗ് നേതൃത്വത്തെ അറിയിക്കും. ചിലപ്പോള്‍ എ.ഐ.സി.സി പ്രശ്നത്തില്‍ നേരിട്ടിടപെടാനും സാധ്യതയുണ്ട്.